Imos facer un musicograma. Audición. Instrumentos galegos. Boletín ETRAD 13

Moi boas familia!

Esta será a derradeira entrada por este curso e quería agradecervos moitísimo q estivérades aí e que non vos desvinculárades da escola. Podo falar por parte de todolxs profes se digo que estes meses foron complexos para todxs, pero o que nos moveu para continuar foi o amor á música e o cariño hacia vós. Bótovos de menos, pero estou convencida de que isto rematará e sairemos reforzados. 

Antes de nada, inda que convencidísima de que acertáchedes os instrumentos e a orde, vouvos poñer a solución da primeira actividade da semana pasada:

1º Almirez
2º Pandeireta
3º Botella
4º Maraca
5º Cunchas
6º Pandeiro

Demasiado doado para vós!!!

E como a cousa vai de instrumentos, vouvos poñer un enlace dun vídeo de dous musicazos e amigos que van amosar diferentes instruementos galegos. A ver se os coñecedes todos!

24 Instrumentos Populares Galegos - Suso Vaamonde e Xosé Lois Romero

E imos xa coa derradeira actividade ata o curso que ven. Imos facer un MUSICOGRAMA. Esta é unha das miñas actividades preferidas de sempre (non é só para peques). Seguro que vos encanta. O explico todo no vídeo que vos poño a continuación. 

Musicograma

E esta é a música que eu propoño

Boccherini: String Quintet in C, Op.30 No.6

Vaivos quedar super chulo!

Vémonos o curso que ven! Pasade un verán estupendo e coidádevos moitísimo. 

MIL BIQUIÑOS e GRAZAS por SER e ESTAR

Xela Conde Fernández

Que instrumento toco? O Bolero. Audición. Boletín ETRAD 12

Moi boas familia!

Pouco a pouco imos rematando o curso... xa case cheira a verán. Esta será a penúltima entrada deste blog para no curso 19/20.

ESTADES LISTOS! Pois veña, que temos moitas cousiñas que aprender.

Para comezar, vouvos poñer a solución da actividade "Adiviña a palabriña 2" da semana pasada. Seguro q as acertáchedes todas.

Solución "Adiviña a Palabriña 2"

A seguinte actividade é moi divertida. A que non adiviñades os instrumentos que estou tocando e a orde en que os vou tocando? (seguro que sí)

Que instrumento toco?

E non podiamos rematar o curso sen aprender unha canción nova. Esta tamén é unha canción para cantar e bailar (a próxima semana aprenderedes o baile). Chámase "O Bolero" (que é un baile que se bailaba en España fai moitos moitos anos)

Aquí tendes o enlace coa música para que a poidades aprender ... Escoitade ... 

O Bolero

E aquí tendes a letra da canción 

O Bolero. Letra

E para rematar, déixovos unha bonita audición duns chicos que cantan moi moi ben. Seguro que vos gusta.

/ Les Choristes - Vois Sur Le Chemin / Traducción y Pronunciación del Francés al Español

Pois ata a próxima semana. Pasádeo moi ben e disfrutade!

Mil biquiños positivos!

Xela Conde Fernández

Percusión corporal para "O Peixiño". Adiviña a palabriña. Audición. Boletín ETRAD 11

Moi boas de novo, familia!

Que tal van eses paseos? Co sol que fai dá gustiño sair. Aproveitade se podedes a ver a Natureza, que está fermosísima.

Imos continuar coa canción de "O Peixiño". Esta semana traballaremos a percusión corporal para poder facela mentres cantamos a canción. Eu propóñovos no vídeo algúns movementos que podedes facer para percutir co voso corpo. Tamén podedes engadir os que queirades para facelo aínda máis divertido.

Percusión corporal para "O Peixiño"

E tanmén tendes máis adiviñas esta semana. A ver se acertades que palabras estou dicindo coa percusión. Podedes debuxar as que pensades que son. SEGURO QUE ACERTADES TODAS!

Adiviña a palabriña 2

E, para rematar a entrada desta semana, déixovos unha canción moi bonita dos nosos amigos artistas de "Fetén Fetén". DISFRUTADE!

Feten Feten con Natalia Lafourcade - Detrás del Mar (Lyric Video)

Mil biquiños de sol!

Xela Conde Fernández

Canción "O Peixiño". Pequeparti. Audición. Boletín ETRAD 10

Moi boas familia!

Como estades? Agardo que cada vez mellor!

Eu estupendamente na casiña preparada para enviaros máis actividades para que o pasedes ben.

E xa fai un montón que non facedes unha "pequeparti", así que, deixade sair a vosa creatividade para facer un pouco de música. Recordade que non podedes repetir máis de 2 debuxos por línea.

Pequeparti

Canto a teñades dibuxada, a podedes ler e facer con palmas. E se tendes claves ou outro instrumento de percusión pola casa non dubidedes en probar.

Imos cunha canción. "O Peixiño". Esta canción ten a súa orixe en Brasil, pero nos a adaptamos ao galego.

O Peixiño. Letra

E aquí tendes a canción para que a escoitedes e pouco a pouco a vaiades aprendendo.

O Peixiño

E para rematar por esta semana vos propoño ver este vídeo para pasalo rato. A ver que instrumentos podedes atopar.

Concierto Didáctico "Fantasía" - Banda Municipal de Lugo e Escola Municipal

Mil biquiños positivos e ata a próxima semana!!!

Xela Conde Fernández

Canción. A casa do tío Nicanor. Ficha. Audición. Boletín ETRAD 9

Moi boas de novo, familia

Aló van algunhas actividades para esta semana! Todas referidas aos animais, así que seguro que vos encantan.

Imos traballar sobre unha canción que fala dos animais que podemos atopar nos bosques galegos e que agora están tranquiliños sen a nosa presencia.

A casa do tío Nicanor

E aquí temos a letra para que a poidades aprender coa vosa familia

A casa do tío Nicanor. Letra

Unha vez q teñades localizados todolos animais, podedes intentar adiviñar a que animal pertence cada un destes debuxos e tamén colorealos.

A casa do tío Nicanor. Ficha

E para rematar por esta semana, aquí tendes un vídeo super bonito sobre " El carnaval de los animales" de Saint Saëns.

El Carnaval de los animales de Saint Saëns

Agardo que disfrutedes destas actividades

Biquiños positivos 

Xela Conde Fernández

Qué escoitamos? Xestos para canción. As notas. Boletín ETRAD 8

Moi boas familia!!!

Que ben que xa puidéchedes sair de paseo ... Alédome un mónton. Seguro que fúchedes coas bosas luvas e mascarilla.

Outra semana máis para facer actividades divertidas

Antes de nada, poño a solución de "Adiviña a palabriña". De seguro que os vosos debixos coinciden cos meus

Solución Adiviña a Palabriña

 A semana pasada aprendíchedes a canción "Fun ao mercado". Pois agora, a ver se podemos facela con xestos. Así será moito máis divertido. 

Tendes o vídeo aquí 

Xestos Fun ao Mercado

Imos prestar atención agora ao seguinte audio ... Adiviñades os diferentes sons? 

Que se escoita? Prestade atención!

Este curso tamén aprendimos as notas musicais da escala de DO. Imos recordalas e cantalas co vídeo 

Notas da escala de DO

Pois aí tendes as actividades para esta semana. Agardo que o disfrutedes moito :-)

Biquiños cheos de positividade!

Xela Conde Fernández

Adiviña a palabriña. Fun ó Mercado. Boletín ETRAD 7

Moi boas familia!

Outra semana e novas actividades para divertirse e aprender.

Aquí tendes un pequeno vídeo para xogar a "Adiviña  a palabriña". Escoitade moi, moi ben e debuxade o que escoitedes... Seguro que acertades!

Adiviña a palabriña 1

Imos aprender unha canción divertida que trata sobre unha formiguiña que sube por nós cando imos mercar cousiñas ao mercado. Temos que aprender a cantala e facelos xestos que fan as nenas :-)

Fun ao mercado

A ver como tendes a memoria ... Sodes capaces de relacionar con flechas os debuxos?

Ficha Fun ao Mercado

Agardo que o pasedes estupendamente con estas actividades!

Biquiños e coidádevos moito!

Xela Conde Fernández

Novas Actividades. Poliritmia e canción "Mírame Miguel". Boletín ETRAD 6

Moi boas pequechiños!

Outra semana máis e outra semana menos para poder voltar a estar xuntiños.

Propoño máis actividades para esta semana relacionadas coa canción "Mírame Miguel".

O primeiro é intentar facerlle unha letra para a canción que sexa nosa :-).

O retrouso é:

Mirame Miguel como son de bonitiña

saia de burel, camisiña de estoupiña

E a mín ocorreuseme esta copliña:

Estou en cuarentena

e non podo saIR

cantando e bailando 

voume a divertIR

Pois a idea agora é que pensedes noutras copliñas tendo en conta que a última palabra do segundo verso e a última do cuarto sexa igual... A ver que se vos ocorre!

Mas podedes enviar ao correo etradlearning@gmail.com e así entre todas as que me enviades podemos completar a nosa canción.

E para facelo todavía máis divertido, envío unha partitura para que fagades coa vosa familia.

Explico todo no seguinte vídeo:

Poliritmia Mirame Miguel

Pequeparti:

Pequeparti Poliritmia Mírame Miguel

Se non tendes pandeireta o podedes facer golpeando un cazo cunha culler de madeira, por exemplo ;-)

Pois polo de agora nada máis. A próxima semana un pouquiño máis!!!

MOITO ÁNIMO e MIL BIQUIÑOS!

Xela Conde

Novas actividades. "Os Maios". Boletín ETRAD 5

Moi boas familia!

Que tal esa Semana Santa? Agardo que sigades ben e con moito ánimo.

Vou enviar un par de cousiñas para esta semana.

A primeira é un vídeo explicativo dunha tradición galega ben bonitiña: Os Maios. Fala da volta á primavera e a luz e como hai que prepararse para outra vez sementar os campos. No vídeo aparece unha representación da Asociación Casco Vello de Vigo dalgunhas tradicións. Agardo que vos guste.

Representación Festa dos Maios. Asociación Casco Vello de Vigo

E para que poidades poñervos aínda máis guapos/as, vos propoño facer unha guirnalda para a cabeza.
Aquí tendes un enlace cunhas frores que podedes colorear e despois pegar a un lazo para poñelo rodeando a cabeza. Tendes que facelo moi ben e con coidadiño, porque bailaredes con esta guirnalda para a vosa familia cando isto remate.

frores para guirnalda

Non deixedes de practicar o baile de "Mirame Miguel" porque seguiremos traballando con el no seguinte boletín.

Biquiños de paciecia e alegría!

Xela

Novas actividades. Pequeparti para "Chegou a Primavera" e baile "Mirame Miguel". Boletín ETRAD 4

Moi boas familia!

De novo aquí para mandarvos máis actividades para divertirvos un pouquiño.

Primeiro, unha "pequeparti" para que poidades facer mentres cantades a canción "Chegou a Primavera" Lembrade primeiro lela con palabras, logo facelo con instrumentos de percusión e logo intentar cantala e tocala. Seguro que seredes capaces!

Aquí o enlace para a "pequeparti":

Ritmo para "Chegou a Primavera"

Vídeo explicativo para facer o ritmo:

Explicación da partitura rítmica para a canción "Chegou a Primavera"

E esta semana tamén propoño a aprendizaxe dun novo baile moi divertido; o mahlao.

Aquí a explicación do baile:

Baile Malhao "Mirame Miguel"

E para este baile empregaremos a canción de Brigada Victor Jara "Mira-me Miguel"

Brigada Victor Jara. Mira-me Miguel

Lembrade que podedes enviarme un correo cos vosos comentarios e vídeos a etradlearning@gmail.com (mellor esta dirección que a de xela@sondeseu.org)

Pois pasádeo moi moi ben cantando e bailando e seguiremos despois de Semana Santa!

Biquiños e coidádevos moito

Xela Conde Fernández

ETRADCOVID19. Música e Movemento (mércores). Actividades para a semana do 23 - 27 de marzo. Boletín ETRAD 3

Moi boas a todxs!

Como estades? Agardo que non demasiado aburridos e con ánimo e alegría!

Envío por aquí cousiñas para facer e aprender nesta semana:

Imos aprender unha nova canción "Chegou a primavera". Aquí tendes a letra e o vídeo da canción:

Vídeo Canción Chegou a Primavera


Envío un vídeo sobre a Primavera que agardo que vos guste.

Vídeo Primavera

E gustaríame que fórades creativos e coloreárades este debuxo onde aparecen varios protagonistas da Primavera e moita música.

Debuxo colorear Primavera

Vos podedes inspirar escoitando a "Primavera" de Vivaldi. Aquí deixo un enlace:

Vídeo. Primavera de Vivaldi


Un biquiño enorme! TODO VAI SAIR BEN

Xela Conde Fernández

ETRADCOVID19 - MÚSICA e MOVEMENTO (mércores) Contidos da semana do 16 ao 20 de marzo de 2020 (boletín ETRAD 2)

Moi boas pais nais e peques!!!

Como estades? Agardo que moi moi ben na casiña puidendo disfrutar dun tempo en familia, escoitando moita música, lendo libros e xogando.

As circunstancias son as que son, pero non quería que vos quedárades sen un pouco de actividade musical para esta semana (a próxima haberá máis)

Así que déixovos enlaces de cousiñas para seguir traballando.

Gustaríame que cantárades co vídeo a canción de "Nubes Alegría". Podedes ensinarlla a vosa familia para que cante con vós e así facer un pouco de mestres e mestras.

Vídeo. Canción Nubes alegría

Tamén deixo un vídeo musical duns amigos músicos marabillosos que seguro que vos encanta: "Jota del Wasabi de Fetén Fetén"

Aquí tendes a letra da canción que podedes decorar con nubes e moitos sorrisos de alegría

Letra Nubes alegría

 Tamén mando unha plantilla para que creedes a vosa partitura musical coas palabriñas que xa sabedes: sol, casa. chocolate, soldado, sssh, e corazón. Recordade que cantos menos debuxos das palabras repitades máis bonitiña vai ser a vosa partitura. Gustaríame que, despois de debuxala, a cantárades con palabras e a tocarades con palmas, así, cando nos volvamos ver nola podedes ensinar.

Pequepartis

Bótovos moito de menos. Coidadevos e sede moi felices.

Ata moi pronto!

Xela Conde Fernández